容祖兒新年返香港開 show！大年初三沙田馬場同粉絲近距離唱 Live兼拜年

容祖兒近年主力參加內地綜藝節目搵真銀，又穿梭多個國家舉行演唱會，香港歌迷想見佢一面都難！臨近農曆新年，重視家人的 Joey 已經返港，準備與屋企人過年。當然 Joey 沒有忘記一眾粉絲，大年初三會入沙田馬場開show同大家一齊賀新歲！

容祖兒空降沙田馬場 勁歌熱舞催好運！ 平時睇演唱會飛一票難求，現在以最低$10入場費就可以聽到Joey 唱 Live，超級期待！當日上午 11時 15分，Joey將會在馬匹亮相圈舉行的綜合匯演中跳唱經典快歌，一定全場 high 爆！而醒獅亦會與一眾騎師向大家拜年，祝賀大家兔年行大運！